Aurten ere irakurzaletasuna eta euskararen erabilera bultzatu asmoz antolatu du gure ikastolak hogeita zazpigarren aldiz Ipuin Lehiaketa. Edizio honetan ere partaidetza izugarria izan da eta jasotako lanen maila apartekoa ere bai. Betiko lez ipuinen gaia librea izan da eta euren originaltasuna, euskara maila eta narrazioen egitura baloratu dira saridunak aukeratzeko orduan. 

Ipuinez gain, edizio honetan ekimen berri bat jarri dugu abian: kartel lehiaketa. Izan ere, istorio zinez ederrez osatutako liburuxka ezagutarazteko ilustrazio eder bat funtsezko jotzen baikenuen.  Ikasleek eurek bozkatu zituzten aurkeztutako lanak, eta liburuan ikus ditzakezuen biak izan ziren boto gehien jaso zituztenak DBH eta LH kategorietan.

Ekainaren 12an egin genuen sari banaketa ekitaldia ikastolako jolastokian. Bertan izan ziren , edizio honetako sarituak eta beraien familiako kideak ere. Guztiak pozik agertu ziren ekitaldira, sariak jasotzeko gogotsu. Horiekin batera, Naiara Vink, kazetaria eta genero literaturan aditua, izan genuen ekimenaren dinamizatzaile gisa. Gure ikasleei irakurketaren eta istorioak idaztearen grina pizteko  eta inoiz ez gelditzeko asmoz.

>>> XXVII. IPUIN LEHIAKETA (liburuxka) <<<